KÁTI DALUR – FRÍSTUND EFTIR SKÓLA
Dvöl í KÁTADAL er í boði fyrir nemendur á yngsta stigi, í 1.- 4. bekk, eftir að skóla lýkur. Dvölin er valkostur sem foreldrar/forráðamenn geta sótt um og greiða sérstaklega fyrir.
Í upphafi skólaárs, ágústmánuði, er rafrænt umsóknareyðublað um dvöl í KÁTADAL sent á alla foreldra nemenda í 1.- 4. bekk í gegnum Mentor kerfi skólans. Einnig er hægt að finna eyðublað þess efnis undir flipanum Eyðublöð hér á heimasíðu skólans.
Hægt er að óska eftir vistun í KÁTADAL hvenær sem er skólaárs og er þá rafrænt umsóknarferli sent til foreldra/forráðamanna. Vegna umsóknar þarf ávallt að hafa samband við ritara skólans; ritari@audarskoli.is eða hringja í aðalnúmer skólans: 430 4757 á skrifstofutíma skólans.
Aðeins er hægt að skrá nemendur í KÁTADAL annaðhvort í fjóra eða fimm daga vikunnar.
Dvöl í KÁTADAL er í boði á mánudögum frá kl. 14.30, á þriðjudögum til fimmtudaga frá kl. 15:00 og frá kl. 12:30 á föstudögum.
Hægt er að velja um tvo brottfarartíma: Kl. 16:00 og 16:30.
Ekki er endurgreitt vegna fjarvista eða veikinda nema þau vari samfellt í viku eða lengur.
Innheimt verður fyrir mánuð í senn.
Starfstími KÁTADALS miðast við heila og tvöfalda nemendadaga grunnskólans og er því KÁTIDALUR ekki starfandi skerta skóladaga.
KÁTIDALUR starfar eftirfarandi daga:
Danssýningardagur
Síðasti föstudagur fyrir páskafrí
Öskudagur
Árshátíð til kl. 16
Vorhátíð-Skólaslit til kl. 16
KÁTIDALUR starfar ekki eftirfarandi daga:
Skólasetningardagur Ekki starfandi
Skipulagsdagar Ekki starfandi
Foreldrasamtalsdagar Ekki starfandi
Síðasti dagur fyrir jólafrí grunnskólans Ekki starfandi
Vetrarfrísdagar Ekki starfandi
Skólaferðalagsdagur yngsta stigs Ekki starfandi
Dvöl í KÁTADAL fylgir kaffitími daglega og hádegismatur á föstudögum.
Staðsetning KÁTADALS er í Fjallasal leikskólans.
Umsjónarmaður KÁTADALS skólaárið 2023-2024 er Marina Aleksandersdóttir.
Mikilvægt er að láta ritara skólans vita ef barn sækir ekki KÁTADAL þann dag eða daga sem það er skráð í dvöl og skal þá hringt í aðalanúmer skólans 430 4757.
Þegar KÁTIDALUR starfar er einnig hægt að hafa samband við umsjónarmann í
gsm símann: 831 2916.