Reglur nemendafélags Auðarskóla- uppfærtpdf
Grein 1
Nemendafélag Auðarskóla er félag allra nemenda grunnskóladeildar skólans.
Grein 2
Nemendafélag Auðarskóla heitir Auður
Grein 3
Stjórnarkjör. Kosið er í stjórn nemendafélagsins að vori fyrir 20. maí. Kosnir eru leynilega sex fulltrúar; tveir nemendur úr verðandi 8. , 9. og 10. bekk grunnskóladeildar. Kosningarétt hafa þessir hópar. Stjórn skiptir með sér verkum og velur ritara, gjaldkera og tvo fulltrúa í skólaráð Auðarskóla. Stjórn nemendafélagsins skal starfa fram að kosningu næstu stjórnar og ljúka störfum á sameiginlegum fundi fráfarandi stjórnar og þeirrar sem tekur við. Þar fara stjórnirnar yfir það sem gert var síðastliðið skólaár og hvernig til tókst.
Grein 4
Formannskosning skal fara fram eigi síðar en viku eftir stjórnarkjör. Allir nemendur skólans í verðandi 8. – 10. bekk geta boðið sig fram í formannsembætti nemendafélagsins. Kosningarétt hafa þessir hópar. Þeir sem bjóða sig fram byrja því að senda inn umsókn til umsjónakennara þar sem þeir tilkynna framboð sitt. Þeir fá síðan tækifæri til að kynna sig og stefnu sína á fundi með elstu bekkjum skólans. Leynileg kosning fer fram í kjölfar fundarins. Ef formaður er kosinn án þess að vera í nemendaráði skal hann koma inn í nemendaráð og starfa sem slíkur auk formannsstarfsins.
Grein 5
Stjórn fundar minnst hálfsmánaðarlega og skulu fundir bókaðir. Stjórn Auðar skal árlega standa fyrir eftirfarandi atburðum: Kaffihúsakvöldi, dansleik eldri nemenda, dansleik yngri nemenda, lokaferðalagi eldri nemenda og aðrir viðburðir sem stjórn skipuleggur sem hefur það markmið að efla og styðja við góðan skólabrag. Einnig skal stjórnin leitast eftir að færa gleði og ánægju inn í skólalíf nemenda með ýmsum uppákomum og klúbbastarfssemi á skólaárinu. Á vordögum skal nemendafélagið sjá til þess að nemendur af miðstigi sjái um hreinsun skólalóða.
Grein 6
Stjórn Auðar ber ábyrgð á því að fram fari sem öflugast félagslíf innan skólans og vinnur að því með umsjónarmanni félagslífs, sem er tengiliður nemendafélagsins við stjórnendur og aðra starfsmenn skólans. Stjórnin fer með umsýslu nemendasjóðs ásamt umsjónarmanni.
Grein 7
Stjórn Auðar lætur sig varða allt það sem getur stuðlað að aukinni félagslegri þátttöku nemenda og kemur að því með virkum hætti þannig að koma megi því svo fyrir að nemendafélagið njóti góðs af. Stjórn Auðar gerir einnig allt það sem það getur til að koma í veg fyrir að félagslíf nemenda skerðist á einn eða annan hátt. Stjórnin fylgist með og skráir árlega þátttöku nemenda á öllum uppákomum félagsins. Stjórnin hlustar eftir hugmyndum og gagnrýni félagsmanna.
Grein 8
Stjórn Auðar skal nýta allar leiðir til að virkja alla þá nemendur til að taka þátt í viðburðum á vegnum Auðar eða annarra á viðburða á vegum skólans.
Grein 9
Skólastjórnendur geta leitað eftir umsögn stjórn Auðar um hegðun og umgengni í félagslífi á vegum nemendafélagsins.
Grein 10
Til að breyta starfsreglum þessum þarf samþykki meirihluta stjórnar Auðar og samþykki skólastjóra Auðarskóla. Skólastjóri getur eins og stjórn Auðar gert tillögur að breytingum, þær öðlast þó ekki gildi nema meirihluti stjórnar Auðar samþykki þær.
Uppfært haust 2026