KÁTI DALUR – FRÍSTUND EFTIR SKÓLA
Dvöl í KÁTADAL er í boði fyrir nemendur á yngsta stigi, í 1.- 4. bekk, eftir að skóla lýkur. Dvölin er valkostur sem foreldrar/forráðamenn geta sótt um og greiða sérstaklega fyrir.
Í maí, að loknu skólaári, er umsóknarform sent út fyrir næsta ár og aftur í ágústmánuði. Umsóknareyðublað er rafrænt og er sent á alla foreldra nemenda 1.- 4. bekkja í gegnum Mentor kerfi skólans.
Hægt er að óska eftir vistun í KÁTADAL hvenær sem er skólaárs og er þá rafrænt umsóknarferli sent til foreldra/forráðamanna. Vegna umsóknar þarf ávallt að hafa samband við ritara skólans; ritari@audarskoli.is eða hringja í aðalnúmer skólans: 430 4757 á skrifstofutíma skólans.
Aðeins er hægt að skrá nemendur í KÁTADAL annaðhvort í fjóra eða fimm daga vikunnar.
Dvöl í KÁTADAL er í boði á mánudögum frá kl. 14.10, á þriðjudögum til fimmtudaga frá kl. 15:10 og frá kl. 12:10 á föstudögum.
Hægt er að velja um tvo brottfarartíma: Kl. 16:00 og 16:30 á mánudögum til fimmtudaga. Á föstudögum lokar KÁTIDALUR kl. 14:00.
Ekki er endurgreitt vegna fjarvista eða veikinda nema þau vari samfellt í viku eða lengur.
Innheimt verður fyrir mánuð í senn.
Starfstími KÁTADALS miðast við skóladagatal grunnskólans.
KÁTIDALUR er því starfandi eftirfarandi daga:
- Danssýningardaginn-Er ávallt á föstudegi
- Síðasta dag fyrir jólafrí grunnskólans
- Föstudag fyrir páskafrí
- Öskudag
- Árshátíðardag til kl. 16:15
- Skólaferðalagsdag yngsta stigs
- Vorhátíð-Skólaslit til kl. 16:15
KÁTIDALUR starfar ekki eftirfarandi daga:
- Skólasetningardag
- Skipulagsdaga
- Foreldrasamtalsdaga
- Vetrarfrísdaga
Dvöl í KÁTADAL fylgir kaffitími daglega og hádegismatur á föstudögum.
Staðsetning KÁTADALS er í Fjallasal leikskólans.
Umsjónarmaður KÁTADALS skólaárið 2024-2025 er Marina Aleksandersdóttir.
Mikilvægt er að láta ritara skólans vita ef barn sækir ekki KÁTADAL þann dag eða daga sem það er skráð í dvöl og skal þá hringt í aðalanúmer skólans 430 4757.
Þegar KÁTIDALUR starfar er einnig hægt að hafa samband við umsjónarmann í
gsm símann: 866 4064