Líflegt skólastarf

Haustið hefur verið viðburðaríkt hjá nemendum Auðarskóla, sem hafa tekið þátt í fjölbreyttum verkefnum af krafti. Nýverið var haldið kaffihúsakvöld sem tókst einstaklega vel. Þar skipulögðu nemendur atriði, bökuðu kökur, sinntu tæknimálum og miðasölu, auk þess að gleðja gesti með skemmtiatriðum og happdrætti. Skólinn þakkar samfélaginu fyrir frábæran stuðning.

Danssýning nemenda 29. nóvember vakti mikla hrifningu, enda skein jákvæðni og gleði í gegn. Nemendur hafa einnig verið duglegir í útiveru og þátttöku í verkefninu „Syndum fyrir hreinu vatni,“ þar sem þeir syntu alls tæplega 65 þúsund metra í sundkennslutímum. Verkefnið tengdist fræðslu um mikilvægi hreins vatns og stuðlaði að aukinni vitund um málefnið.

Nemendalýðræði og samvinna efld
Í vetur hefur skólinn lagt sérstaka áherslu á að efla nemendalýðræði. Haldið er vikulega bekkjarfundi þar sem nemendur ræða það sem á þeim brennur. Nemendafélagið hefur verið virkt frá haustbyrjun og hittir reglulega deildarstjóra til að ræða og framkvæma ýmis verkefni. Í nóvember fór fram fyrsta nemendaþingið þar sem nemendur 4.-10. bekkjar ræddu bættan skólabrag, leiðsagnarnám og fleiri málefni.

Samvinna milli stiga hefur einnig aukist, meðal annars í hópeflisleikjum, morgunstundahópum og verkefnum þar sem eldri nemendur aðstoða yngri. Bekkjarkvöld fyrir 1.-5. bekk 3. desember voru vel sótt og nemendur fengu að sýna foreldrum verkefnin sín, auk þess sem haldið var skemmtilegt Pálínuboð.

Desember í jólabúningi
Skólinn er nú skreyttur og lýstur upp í anda jólanna. Nemendafélagið hvetur alla til að taka þátt í skemmtilegum viðburðum, svo sem náttfatadegi 10. desember og jólapeysudegi 16. desember. Jólatónleikar tónlistarskólans fara fram 17. desember og litlu jólin í grunnskólanum verða haldin 20. desember með hátíðlegri dagskrá.

Skólinn vill einnig þakka foreldrafélaginu kærlega fyrir þeirra mikilvæga framlag og samstarf.