Jólamyndakeppni grunnskólans er árviss viðburður í starfi Auðarskóla. Veitt eru verðlaun fyrir bestu jólamyndina á hverju stigi. Í ár voru  vinningshafar jólamynda: Stefanía Rut 4. bekk Svana Sigríður 5. bekk Þorgerður 10. bekk Til hamingju Stefanía, Svana og Þorgerður.

Nemendur elsta stigs voru með daglega jólagetraun seinustu sjö kennsludaga fyrir jólafrí. Spurningarnar voru stærðfræði og íslensku tengdar. Telma Karen vann jólagetraunina og fékk glæsilegan vinning í verðlaun. Til hamingju Telma Karen.

Breyting hefur orðið á opnunartíma leikskólans á föstudögum. Frá og með föstudeginum 8. desember mun leikskólinn loka kl. 14:00.

Jólatónleikar tónlistarskólans verða haldnir miðvikudaginn 13. desember kl. 15:30 í Dalabúð.

Barnaþing 2023 var haldið föstudaginn 17. nóvember í Hörpu. Barnaþing gefur stjórnvöldum tækifæri á að fylgja hugmyndum barnaþingmanna eftir og koma tillögum þeirra í framkvæmd. Embættinu ber að boða fjölbreyttan hóp barna til þingsins, alþingismenn, fulltrúa stofnana ríkis og sveitarfélaga, auk fulltrúa vinnumarkaðarins og frjálsra félagasamtaka sem koma að málefnum barna. Við upphaf þingsins leggur umboðsmaður barna fram skýrslu um …

Haldið var uppá afmæli Lubba á degi íslenskrar tungu, allir nemendur leikskólans komu saman í Fjallasal. Lubbi er 14 ára í dag og því var sungið fyrir hann afmælissönginn ásamt því að syngja 2 Lubba lög; A og B. Síðan voru borðaðir ávextir og saltkringlur í tilefni dagsins. Nemendur áttu glaðan dag eins og sjá má á myndum.  

Spilatímar á miðstigi eru á föstudögum í allan vetur. Nemendur hafa lært hin ýmsu spil og verið mikið fjör. Nú í dag, 10. nóvember var komið að félagsvist og var þátttaka með besta móti og góð stemming í hópnum. Tveir nemendur frá unglingastigi komu og aðstoðuðu við framkvæmd og að kenna reglur og annað. 

Barnabóknahöfundarnir Eva Rún Þorgeirsdóttir og Blær Guðmundsdóttir komu í heimsókn í Auðarskóla og ræddu við nemendur úr 3.-7. bekk um sögur, hvernig þær verða til, hvað þarf til að búa til góða sögu og að allir geti fengið góðar hugmyndir. Eins kynntu þær sínar bækur og hvernig þær urðu til. síðan fóru nemendur í hugarflug með höfundum og sköpuðu aðalpersónu …

Í Auðarskóla hafa nemendur á öllum stigum og leikskólanum unnið þemaverkefni í vikunni sem tengist hrekkjavökunni með einum eða öðrum hætti. Á morgun verður síðan hápunktur þeirrar vinnu og höfum við ákveðið að halda búningadag í öllum skólanum, leik- og grunnskóla. Nemendur og starfsfólk eru hvött til að mæta í búningum á morgun. Fylgihlutir og vopn skulu samt sem áður …