Í lok maí bauð hestamannafélagið Glaður elstu börnunum í leikskólanum á hestbak.   Farið var upp í hesthúsahverfið í Búðardal.   Þetta var virkilega skemmtileg ferð þar sem allir skemmtu sér konunglega. Leikskólinn þakkar kærlega fyrir sig.

Skóladagatöl  grunnskóla og leikskóla fyrir næsta skólaár eru nú komin á vefsvæði skólans. Sjá hér.

Elsti árgangur leikskólans við útskriftina Á þeim ágæta góðviðrisdegi; miðvikudaginn 30. maí, útskrifuðust níu  börn úr Leikskóla Auðarskóla.  Mömmur og pabbar, afar og ömmur komu í heimsókn og voru með börnunum á þessari stóru stund. Útskriftin fór að þessu sinni fram utandyra.  Börnin sungu fyrir gesti og fengu góða gjafir frá leikskólanum. Svo var boðið upp á kaffi og með …

Í maí eyddu nemendur 3. bekkjar fimm dögum í útikennslu (hluti af einum var þó vettvangsferð á KM) sem voru að mestu í tengslum við námsefnið “ Komdu og skoðaðu bílinn“. Nemendur undirbjuggu sig fyrir vettvangsheimsókn á KM (bílaverkstæði) með spurningum. Vel var tekið á móti okkur af einum eiganda KM, honum Kalla. Farið var yfir það sem er m.a. …

Skólaslit grunnskóladeildar Auðarskóla verða í Dalabúð kl. 17.00 í dag.  Öllum nemendum skólans er afhentur vitnisburður, veittar viðurkenningar og stutt ávörp flutt.   Athöfnin tekur um klukkustund og allir hjartanlega velkomnir.

Þann 30.maí verður vorhátíð grunnskólans.   Á vorhátíð má gjarnan klæðast furðufötum í tilefni dagsins. Hafa ber þó í huga að hluti dagskrár er úti og því þarf einnig að klæða sig eftir veðri.  Andlitsmálun verður í boði fyrir yngstu nemendur.  Að þessu sinni eru foreldrar sérstaklega velkomnir og foreldrafelagið mun sjá um að grilla ofan í alla. 08.30 – 09.50 …

3. bekkur hefur verið í fullu fjöri upp á síðkastið og unnið hin ýmsu verkefni. Tilvalið er að deila því og birta með því myndir. Bekkurinn lærði um íslenska þjóðhætti í apríl og í tengslum við það verkefni var  m.a. farið á byggðasafn og  haldin  kynning fyrir foreldra við lok verkefnisins. Valdís Einarsdóttir tók á móti bekknum á byggðasafninu á …

Þann 24. maí hefjast ferðalög nemenda.  Öllum nemendum er boðið upp á ferðir með bekkjarfélögum sínum.  Farið er í þremur hópum og liggja ferðaáætlanir nú fyrir: Vorferdalag yngsta stig.pdf File Size: 59 kb File Type: pdf Download File Vorferdalag_midstig.pdf File Size: 532 kb File Type: pdf Download File Vorferdalag efsta stig.pdf File Size: 553 kb File Type: pdf Download File

Lokatónleikar tónlistardeildar verða miðvikudaginn 16. maí í Dalabúð og hefjast kl. 17.00.  Allir hjartanlega velkomnir.

Eins og undanfarin tvö ár hefur Næringarsetrið, að beiðni skólastjóra,  gert úttekt á matseðlum í mötuneyti Auðarskóla.  Skýrsla um þessa úttekt liggur nú fyrir og má nálgast hér. Eins og áður er niðurstaðan góð.   Boðið er upp á fjölbreyttan mat í Auðarskóla  og vel hugað að gerð hans, eldun  og samsetningu.  Matseðlar uppfylla öll helstu markmið mötuneytisins og Lýðheilsustöðvar.